tawil zindagi ,khamosh raston ki tarhan
tera mizaj badalti hui ruton ki tarhan
hazar rang hain chahat k roop lakhon hain
meri wafa hai muqadas ibadaton ki tarhan
teri nigah mein chaya shakok ka kehra
hamaray qurb mein hayil hai fasilon ki tarhan
tha is mein akhs tumhara hi ye bhi socha nhi
hamaray dil ko jo tora hai aainoo ki tarhan
wo shakhs mjh ko mila bhi to itafaqan tha
rah e hayat mein guzra jo hadison ki tarhan
No comments:
Post a Comment